top of page

Göygöl Şərab Zavodu 1-ci Yerli İstehsalat və İstehsal Texnologiyaları Sərgisində iştirak edib

Kiçik və Orta Biznesin İnkişafı Agentliyinin (KOBİA) və “Marsol Group”un birgə təşkilatçılığı ilə ilk dəfə Bakı İdman Sarayında 2023-cü ilin 7-9 dekabr tarixlərində “1-ci Yerli İstehsalat və İstehsal Texnologiyaları Sərgisi” keçirilmişdir. Ölkəmizdə fəaliyyət göstərən 100-ə yaxın şirkət tərəfindən istehsal edilən qida, qeyri-qida, mebel, inşaat materialları, tekstil məhsulları, eləcə də müasir  avadanlıqları və texnologiyaları nümayiş olunmuşdur. Sərginin keçirilməsində məqsəd yerli məhsulların alınmasını təşviq etmək, onları geniş alıcı auditoriyasına tanıtmaq, yerli məhsulların ixrac potensialını yüksəltməkdir.


Göygöl Şərab Zavodu da bu sərgidə iştirak edərək, qabaqcıl texnologiya ilə hazırlanmış yüksək keyfiyyətli şərab, araq, konyak və şampan məhsullarını təqdim etmişdir. Sərgiyə gələn qonaqlara zavodun məhsulları barədə ətraflı məlumat verilmiş, qonaqların maraq dairəsinə uyğun olaraq istehsal prosesi və texnologiyası haqqında ətraflı məlumatlar təqdim edilmişdir. Göygöl Şərab Zavodu yerli istehsalı təşviq edən bu cür sərgilərin ölkədə keçirilməsini hər zaman dəstəkləyir.


Qeyd edək ki, 160 ildən artıq tarixə malik “Göygöl Şərab Zavodu” ASC Azərbaycanın ən qədim spirtli içki istehsal edən müəssisəsidir. Zavodun “Xan 1860” brendi adı altında təqdim etdiyi məhsullar, xüsusilə də nəfis dad və özəllikləri ilə tanınan “Karabakh” şərabı müxtəlif ölkələrə ixrac olunur və dəfələrlə önəmli beynəlxalq mükafat və sertifikatlar qazanmışdır.







Comentarios


Ən son xəbərlər
Arxiv
Bizi izləyin
  • Facebook - Black Circle
  • Instagram - Black Circle
  • YouTube - Black Circle
  • Pinterest - Black Circle
bottom of page